Podcast ‘Diario Cultural’ das 10:30
Celebramos os 50 anos da Canción Galega. No tempo de literatura infantil e xuvenil falamos de libros para viaxar con Montse Pena.
Celebramos os 50 anos da Canción Galega. No tempo de literatura infantil e xuvenil falamos de libros para viaxar con Montse Pena.
Neste Diario Cultural mergullámonos no Surfing The Lerez. O festival que se celebra na Illa das Esculturas de Pontevedra chega a súa sexta edición con Familia Caamagno, Terbutalina e Heredeiros da Crus como cabezas de cartaz. Coñecemos todos os detalles con Marcos Rivas, organizador do Festival, e con José Sánchez, guitarrista do grupo Fondo Norte que tamén estará sobre o escenario do Surfing The Lerez.
Tamén hoxe Tito Lesende despide a tempada no Diario Cultural das 17:30 coa estrea dos discos de s Raconteurs e Hollywood Vampires. Tamén nos avanza as novas incorporacións ao Festival Noroeste e as actuacións polo Día de San Xoán na Coruña.
Este venres é o Día da Música e celebrámolo con Nastasia Zúrcher, que ofrece un concerto gratuíto no Clavicémbalo de Lugo. Como cada xoves, temos colaboración de cine con Moncho Lemos.
Hoxe coñecemos a exposición ‘O teu o meu…’ de Xacobe Meléndrez Fassbender que se ven de inaugurar no espazo de intervención cultural NORMAL da Coruña. E despedimos a nosa colaboradora de artes do movemento Rut Balbís que hoxe nos fala dos festivais de danza do verán.
Hoxe falamos co director vigués Álvaro Gago autor do guión e da dirección de “16 de decembro”; e tamén coñecemos a Cátedra de Feminismos 4.0 da UVIGO coa súa responsable, Águeda Gómez.
O ciclo de exposicións ‘Metrópole’, do MARCO de Vigo, ofrece a cuarta mostra: “Atlas de Soidade”, do artista Xosé Luís Otero. Como cada mércores, falamos de teatro con Roberto Pascual.
Hoxe coñecemos o libro-cd de poemas ‘Memoria Iluminada’ que ven de publicar Edicións Fervenza. Nel debúxase o universo de vivencias na aldea que se conservan na nosa memoria a través dos versos de Ánxela Gracián e a voz de Emilio Rúa.
Tamén temos colaboración de música clásica con Luis Miguel Crespo.
Hoxe coñecemos a plaquette poética ‘Carne da miña carne’ coa súa autora, Susana Sánchez Aríns. E tamén a nova película do vigués Álvaro Gago titulada “16 de decembro”.
O escritor Ramón Vilar Landeira presenta o libro ‘Un peixe no parqué’. No tempo de literatura con Armando Requeixo falamos das traducións ao galego de ‘O planeta dos simios’ e ‘O derradeiro verán’.
Neste Diario Cultural coñecemos o libro ‘Quen salva un can’ que narra as aventuras de Rai na terra na que os cans falan. Unha historia para público infantil e xuvenil da man dea autora Érica Esmorís.
Tamén temos colaboración de arte con Rosario Sarmiento.