Homenaxe a Antón Tovar nos Premios Ínsua dos Poetas 2019. No Diario Cultural entrevistamos a Luís González Tosar, escritor e presidente do Padroado da Fundación Ínsua dos Poetas. Como cada venres de verán, temos colaboración de Beli Martínez.
Programa especial desde a Mostra de Teatro de Ribadavia. Participan: Roberto Pascual, director do MIT; Alicia Laguna, da compañía mexicana Teatro Línea de Sombra; Luciano Rosso e Nicolás Poggi, da compañía arxentina Un poyo rojo; e Pablo Reboleiro, da compañía galega Pista Catro, premio de honra da MIT.
Presentamos a exposición Cinco Vidas, unha vida. A metalurxia do Bronce Final na colección arqueolóxica da Universidade de Santiago. No Diario Cultural entrevistamos a Xosé Lois Armada, comisario desta mostra. Como cada xoves de verán temos colaboración de música con Tito Lesende.
O príncipe florentino Cossimo III de Medici peregrinou a Compostela cun artista que ía debuxando os lugares polos que pasaban. O profesor de Historia da Arte Miguel Taín Guzmán publica un novo traballo sobre esta viaxe. Unha investigación que proporciona información relevante sobre o Santiago do século XVII. Como cada xoves, temos sección de cine con Moncho Lemos.
A novela “Carrusel” de Berta Dávila recibe o XXXI Premio de Novela Manuel García Barros. Temos entrevista coa escritora neste Diario Cultural. Como cada mércores de verán, falamos de música clásica con Luís Miguel Crespo.
Entrevistamos a Narciso de Gabriel, autor do libro Alvarez Blázquez, mestre republicano. Como cada mércores, temos sección de teatro con Roberto Pascual.
O Consello da Cultura Galega estrea en Carnota un documental que homenaxea as mulleres anónimas do Pindo. “As mulleres co mundo na cabeza” é un recoñecemento ao traballo das mulleres que transportaban materiais na súa cabeza para levar a súa familia e que non deixaron ningunha pegada nos rexistros oficiais.
Escoitamos as Cancións clínicas de Chicharrón, que este venres actúan en Carballo. No tempo de literatura, Armando Requeixo convídanos á lectura de dúas novelas traducidas recentemente ao galego: Soñan os androides con ovellas eléctricas? e Ourika.
Falamos con Pedro Rielo, autor de ‘Detrás dos perdidos’, publicado en Edicións Embora. Tamén presentamos o curso de formación do profesorado do proxecto Lova, unha iniciativa de formación de ópera nas aulas.
O proxecto Imaxinando Compostela é a nova aposta cultural do Xacobeo 2021. Falamos coa súa comisaria, Mercedes Rozas. Como cada luns de verán, temos sección de banda deseñada con Carlos Portela.