Estréanse en Locarno a curtametraxe 16 de decembro, de Álvaro Gago – o regreso do autor de Matria -, e a nova longametraxe de Eloi Enciso, Longa noite, un filme que compite polo Leopardo de Ouro do festival suízo.

No Diario cultural tamén falamos de O mundo dos vivos, o novo poemario de Samuel Solleiro, que publica Chan de Pólvora Editora.

A gaiteira María López gaña o Trofeo McCrimmon do Festival de Lorient. Na colaboración de Rosario Sarmiento falamos do XI Premio Auditorio de Galicia para Novos Artistas.

Comeza o Festival Revenidas en Vilaxoán. Na colaboración de Cibrán Tenreiro xogamos coa imaxinación para adiviñar como cremos que é o videoclip de A túa gravidade, de Chicharrón.

Falamos dos Encontros Arraianos de Cinema Rural, así que no Diario culturalimos ata Entrimo e Lobeira. No tempo de música con Tito Lesende falamos do Festival Noroeste.

Falamos do Festival Intercéltico de Lorient co noso colaborador Luís Miguel Crespo, que nos conta en directo todos os segredos deste evento.