O día de Jonas Mekas en Cineuropa. O festival compostelán proxecta en 16mm dous filmes do cineasta e activista lituano falecido a comezos de 2019 en Nora Iorque. Unha das figuras máis influíntes no cinema de vangarda e experimental á que nos achegamos co especialista que presentará as sesións de Cineuropa. Falamos co director da revista Lumière Francisco Algarín Navarro.
O primeiro libro impreso en galego coñecido ata hoxe é de teatro.
A Semana de cine submarino de Vigo homenaxea ao documentalista e fotógrafo galego Jorge Candán. O teatro Afundación acolle as proxeccións desta 29 edición da semana entre o 20 e o 22 de novembro.
Armando Requeixo proponnos dúas novidades narrativas de signo diverso. A ollada ao pasado para dignificar a memoria de Seique, de Susana Sanches Arins, e a prospección sobre un futuro imaxinario de Aqueles momentos que perdemos, de Xavier Estévez.
A lusofonía unida a través da improvisación oral. Compostela e Baio acollen dende hoxe ata o mércores as actividades da Regueifesta, a festa da imporovisación galego-portuguesa. Achegámonos a ela co profesor Manolo Maseda.
As poetas Erin Moure e Chus Pato na residencia de Tradución do Queen´s College da Universidade de Oxford e os traballos de Moure como tradutora. Nisto céntrase a colaboración de poesía con Alba Cid.
“Significa volver á equipa do meu corazón, un fogar que fomos construíndo pero non só entre os membros do grupo senón tamén co propio público”
Conversamos con Álex Charlon da súa volta a Ataque Escampe, da nova formación á que se suman tamén Cibrán Tenreiro e Julio Vilariño, dos novos proxectos da banda e da súa participación no Suns Europe, o festival de artes en linguas minorizadas que se celebra a finais de novembro en Udine.
Recital de Lorena Souto. A escritora do Páramo le textos de ‘Coleópteros’, fálanos de Aderyn, o seu proxecto co músico David Miranda e escolle para recomendarnos unha canción da portguesa Surma.
“The mask of masculinity / This is why you never see your father cry”Viva Idles! é a nova colaboración de Matías Tarrio sobre a banda de Bristol da que reivindica o seu directo, as súas boas cancións e o seu poetente discurso.
Nace un novo selo Lindisfarne. O músico coruñés Alberto Cernadas promove este paraugas no que abeirar músicas tradicionais con producións electrónicas e que lanzan co sinxelo ‘Sa madona’ da cantante mallorquina Clara Fiol.
Amais, Cernadas pica no noso Venham mais cinco. As súas escollas son músicas de Mercedes Peón, Xosé Lois Romero e Aliboria, Érik Marchannd con Fransy González; Das Kapital e Xoel López.
O escritor Adolfo Caamaño fálanos de Matar o heroe (Galaxia), premio Vilar Ponte de novela,protagonizada por Charles Bonne-Mort, un ex combatente convertido en taxidermista na Güiana francesa.A Gran Guerra é tamén o tema de A batalla de Occidente, do francés Éric Vuillard, traducida ao galego porAntía Veres Gesto para a editorial Kalandraka, e sobre a que conversamos co editor Xosé Ballesteros.
Recordamos o xornalista e escritor Pablo López Orosa tralo seu pasamento aos 34 anos. Como reporteiro, Pablo López Orosa realizou reportaxes desde Centroamérica, Oriente Próximo, África ou o sudeste asiático,poñendo o foco nas vidas das persoas máis esquecidas. Tamén buscou as historias no máis próximo, como demostrou na súa novela Fálame do silencio, publicada en 2018 por Edicións Xerais.