Boreal Edicións presenta na Real Academia Galega o volume ‘Rosalía de Castro: obra poética e manuscritos’. Unha publicación artesanal de máis de 600 páxinas da que falamos co editor Manuel Mariño e coa autora das ilustracións Gosia Trebacz.

Esta semana Armando Requeixo convídanos á lectura de dúas novelas. Formigas nos pés, de Nazaret López, e mais A casa xunto ao volcán, de Xosé Ricardo Losada.

Propostas escénicas para todos os públicos no Día internacional para a eliminación da Violencia contra as mulleres. Coas reflexións de Teatro Ghazafellos, Elefante Elegante e Paula Carballeira.

A obra ‘Onde nacen as hedras’ coa que Ana Varela gañou o Premio Gonzalo López Abente. Publicada por Xerais, centra o comentario de poesía con Alba Cid.

Jesús García Marín publica na editorial Galaxia un ensaio divulgativo sobre as novas masculinidades, facendo fincapé no papel dos pais e outros referentes masculinos na educación dos nenos. Papá, por que non pintas as unllas de cores. Educando (construíndo) masculinidades disidentes inclúe referencias a videoxogos e literatura infantil que rompen cos roles masculinos tradicionais.

O xornalista e escritor Xesús Fraga acaba de gañar o premio Blanco Amor de novelacon Virtudes (e misterios), unha obra sobre a emigración e o retorno. Fraga, nado en Londres,conta a historia da súa propia familia, marcada nas últimas xeracións pola emigración a América e a Europa. A novela publicarase na editorial Galaxia a próxima primavera.