O Fanzine Fest xunta máis de 20 artistas na Coruña. A electrónica de vangarda no centro do festival que se celebra no Planetarium, a Fundación Luis Seoane, o Teatro Colón ou a sala O Túnel entre o 5 e o 7 de decembro. No cartel The Horrorist, Levon Vicent, Galaxian ou Fasenuova.

A novela curta ‘B.S.O’ de Pablo Nogueira publicada por Fervenza e o epistolario ‘Fosforescencias’ de Lupe Gómez en Alvarellos. Centran a colaboración semanal de Armando Requeixo. 

A que cheiran as cores? Galaxia publica unha guía para coñecer o cerebro do neurocientífico Juan Casto Rivadulla. Unha obra da colección Lanterna de Aristóteles que coordina Luísa Martínez, responsable da Unidade de Cultura Científica do CSIC en Galicia. 

A estrea da ópera galega ‘O loro de Carlos V’ no centro da colaboración de Luis Miguel Crespo. O Teatro Colón e a compañía Favola in Musica producen esta ópera que se estrea o 5 de decembro. Conta con música e  libreto de Nani García que tamén nos acompaña na conversa.

Galego en Londres, premio da Cultura Galega de proxección exterior

A Quenlla publica novo disco, Trobador no camiño, que musica as dez cantigas de Martín de Padrozelos, trobador dos séculos XI e XII. O traballo preséntase este sábado en Sarria, no marco da xornada “Andares pola lírica de Martín de Padrozelos”, na que se proxectará un documental de Xoán Piñeiro e se escoitará a varios investigadores da nosa literatura medieval.