Coñecemos a colección “Vitamina N” de Kalandraka e Catroventos editoras, dous proxectos que apostan por publicar en galego libros sobre natureza e ecoloxía. Kalandraka acaba de publicar ‘Vitamina N. Guía esencial para unha vida rica en natureza’, de Richard Louv, con centos de propostas para interactuar coa natureza a calquera idade. Catroventos Editora presenta ‘Mapa ecosocial de Galicia’, un retrato actual da nosa realidade que recolle efectos e alternativas á crise social e ambiental. 

Ataque Escampe publican ‘A alma’. Unha nova procura no musical para cancións con ‘corpos perdidos, vagando ou flotando’ segundo nos conta Miguel Mosqueira. O novo disco presenta a unha formación que se estreará en directo o 28 de decembro.  

Versos no centro do comentario semanal de literatura infanto-xuvenil con Montse Pena que nos achega ás obras ‘Irmá paxaro’ de Tamara Andrés e María Montes publicado por Cuarto de inverno e ‘Ola, son un bicho bóla!’ de Elvira Ribeiro e Noe González que editan Apiario.