O Festival de Cans celebra vinte anos de difusión do cine e a cultura desde unha parroquia do Porriño. Nesta vixésima edición pasarán por Cans cineastas como Álvaro Gago, Carla Subirana ou Alberto Vázquez, intérpretes como Luís Zahera, María Vázquez ou Javier Gutiérrez e grupos musicais como Fillas de Cassandra, Mallou, Tony Lomba ou Los Punsetes. Ata o sábado 20 de maio o festival acolle a certame de curtametraxes, proxeccións de longas, concertos, coloquios, exposicións e roteiros.

Pepe Ribas, fundador da histórica publicación cultural “Ajoblanco”, fala estes días en Galicia de contracultura, utopía e a experiencia na Cataluña dos anos 70.

Redondela acolle ata o 21 de maio a vixésimo cuarta edición do seu Festival Internacional de Títeres Memorial Juanjo Amoedo. Nesta ocasión visitan a vila compañías de monicreques de Andalucía, Cataluña, Italia, Francia, o Brasil ou os Estados Unidos. O festival ofrece programación de sala no Auditorio da Xunqueira e espectáculos de rúa.