Miguel Boo preséntanos Suso Vaamonde: voz de trebón, a biografía do compositor vigués Suso Vaamonde falecido hai 19 anos. Un músico que dedicou parte da súa traxectoria a pór melodía ás letras dos poemas dos grandes autores galegos. Ademais, falamos con Carlos Portela sobre banda deseñada e, en concreto, do cómic gañador do Man Book Price.

Nesta nova edición de Diario cultural comezamos coa conversa que tivemos con Susana Seivane durante os ensaios do primeiro concerto de presentación do seu novo proxecto discográfico, FA, na Casa da Cultura de Bertamiráns. Fixemos con ela un repaso polos 20 anos que leva adicada a música, dúas décadas que fai xustamente este xoves día 21 de febreiro e que festexará sobre o escenario do Garufa Club da Coruña.

Ademais, escoitamos un novo capítulo da conversa co ilustrador Pepe Barro, e a nosa colaboradora Alba Cid explícanos todos os detalles de O puño e a letra, de Yolanda Castaño.

Nesta edición do Diario cultural lembramos a figura de Roberto Vidal Bolaño grazas á curtametraxe O jazz dos proscritos, un traballo de Manuel Vidal en que adapta a obra Saxo Tenor de Vidal Bolaño. Polo momento, só está dispoñible o tráiler desta curta que se preve que se estree a finais deste mes.

Tamén continuamos escoitando a conevrsa que tivemos co ilustrador galego Pepe Barro dentro das nosas laretadas e, coma todos os luns, Rosario Sarmiento achéganos ao mundo da arte. Esta vez a través do pintor e escultor falecido hai sete anos, Leopoldo Nóvoa.

Neste Diario cultural falamos con Manu Fernández, organizador do festival A Candeloria, que se celebra mañá en Lugo e que tras seis edicións dirá o adeus definitivo por falta de axudas.

Tamén nos intorudimos na música tradicional galega da man do novo disco de Susana Seivane e escoitamos un novo capítulo da nosa laretada co ilustrador Pepe Barro.

Ademais, coma cada venres, Beli Martínez fálanos de cinema.

No Diario cultural de hoxe escoitamos a conversa que tivemos con Marcos Teira, que mañá presenta o seu novo disco Nós. Ademais, escoitamos algún dos temas do novo traballo de Factoría de Subsistencia e, coma cada xoves, Tito Lesende daranos as últimas novas do panorama musical.