Hoxe coñecemos a exposición ‘O teu o meu…’ de Xacobe Meléndrez Fassbender que se ven de inaugurar no espazo de intervención cultural NORMAL da Coruña. E despedimos a nosa colaboradora de artes do movemento Rut Balbís que hoxe nos fala dos festivais de danza do verán.

Hoxe falamos co director vigués Álvaro Gago autor do guión e da dirección de “16 de decembro”; e tamén coñecemos a Cátedra de Feminismos 4.0 da UVIGO coa súa responsable, Águeda Gómez.

Hoxe coñecemos o libro-cd de poemas ‘Memoria Iluminada’ que ven de publicar Edicións Fervenza. Nel debúxase o universo de vivencias na aldea que se conservan na nosa memoria a través dos versos de Ánxela Gracián e a voz de Emilio Rúa.

Tamén temos colaboración de música clásica con Luis Miguel Crespo.

Hoxe coñecemos a plaquette poética ‘Carne da miña carne’ coa súa autora,  Susana Sánchez Aríns. E tamén a nova película do vigués Álvaro Gago titulada “16 de decembro”.

Neste Diario Cultural coñecemos o libro ‘Quen salva un can’ que narra as aventuras de Rai na terra na que os cans falan. Unha historia para público infantil e xuvenil da man dea autora Érica Esmorís.

Tamén temos colaboración de arte con Rosario Sarmiento.

Hoxe comezan, no Consello da Cultura Galega, as xornadas ‘A internacionalización da literatura galega en tradución ao inglés: novas oportunidades perante un mercado editorial británico-irlandés en apertura’; e falamos coa súa coordinadora, Olga Castro, e con un dos poñentes: Richard Mansell da University of Exeter falará de ‘Traducir narrativa ao inglés: novas tendencias e estratexias para o mercado editorial británico en proceso de cambio.’