A través da historia de once nenas e nenos en dez países diferentes, esta exposición reflicte os logros e desafíos dun continente diverso e fascinante. Os seus autores, Alfons Rodríguez e Xavier Aldekoa, din que “Indestructibles” non é un proxecto sobre gañadores nin de perdedores, senón un proxecto sobre a infancia africana que loita.

A mostra fotográfica que acolle a sede d’A Fundación d’A Coruña forma parte dun proxecto transmedia que inclúe varias reportaxes, unha páxina web, a publicación dun libro e incluso unha longametraxe.

Esta constitúe a primeira parte do corpus memorialístico que recolle a vida de Otero Pedrayo. Escritas por el mesmo, estas memorias comezan coa descrición das familias materna e paterna. unhas memorias das que xa fora publicada a segunda parte no 2015, co subtítulo “Os tempos da universidade“

Un ano máis o Festival de Jazz de Moaña convertese nunha das citas de referencia para os amantes desta música. Nesta IV edición, cun cartel máis galego que nunca, que encherá de jazz o Arboredoda Xunqueira durante os días 14 e 15 de agosto cumplindo con todas as normativas anti-covid.

O seu novo traballo é unha reflexión sobre o paso do tempo e unha metáfora da natureza, como reflexo da súa vida.

Estamos a vivir un tempo no que a observación sobre a actuación do ser humano na natureza, dános pé a ser conscientes de nosa propia fraxilidade. Nesta obra identifícase con estes bivalvos vividores, estes mexillóns que serven de escusa para reflectir o seu mundo persoal, traballados con detemento e observados, tras unha recollida física na praia. O acto de recoller, observar,atesourar, coleccionar e debuxar convértese nunha obsesión. A través destes debuxos mostra a súa percepción da vida, con todo o que esta deixa escrita na súa cuncha.

Atrae o contraste entre o seu caparazón exterior, que identifica coa súa propia pel e a súa experiencia como muller, e o interior do bivalvo, a súa carne, laranxa, atada sufrinte que se expresa con forza. Mexillóns varados na praia, soamente as súas cunchas, a súa capa externa, un final da vida, con toda a súa historia escrita encima, póusanse sobre a area e por fin descansan, exhaustos. As súas peles conteñen todo ese mundo vivido, un reflexo do pasado estratificado en capas, salpicado de volcáns. Unha vida embarullada, como todas as vidas, arrolada polo océano

A escritora alemá afincada en Galicia Úrsula Heinze publica a que, asegura, será a súa derradeira novela, ‘Flashes‘ de edicións Fervenza.

Trátase dun libro de relatos a xeito de instantáneas. Polos textos desfilan momentos da vida persoal e profesional desta autora, anécdotas e incluso persoeiros coñecidos. 

Reboiras. Acción e corazón leva á pantalla un retrato ?el, construíndo a vida de Moncho Reboiras desde a vertente humana e política. A súa vida e o seu pensamento son recreados a través de entrevistas a 28 testemuñas que con el partillaron diversas etapas da vida. Ademais, a obra revive a través de secuencias de ficción as últimas horas de Xosé Ramón Reboiras Noia e inclúe filmacións históricas. 

O Rosal adapta o seu Festival de Músicos Xoves á nova normalidade cunha proposta renovada: o Rosal Cámara Fest que se prolongará ata o 22 deste mes de agosto. 

Nesta edición especial do tradicional Festival de Músicos Xoves, a Banda da Agrupación Musical do Rosal, descomponse en 6 ensambles instrumentais que toman o seu nome homenaxeando a personaxes senlleiras da historia da Agrupación Musical como Pepe Flores, Nani Matos ou José Vicente Simeó.