A programación das Xornadas Europeas da Cultura Xudía da Rede deXuderías de España, inclúe actividades e eventos para todos os públicos, que se desenvolverán en Tui e Valença, baixo adenominación de: “Rutas Serfardís”. Colaboración de Rosario Sarmiento sobre arte.
Marzo de 2016, en plena guerra de Siria, a cidade de Alepo está dividida en dúas partes enfrontadas. No lado rebelde, a activista Amira loita por informar o mundo desde dentro da guerra e visita un orfo rescatado baixo os cascallos; no lado do réxime, Isam, un químico que traballa nunha fábrica de xabón, teme a notificación do Goberno para engrosar as filas do exército. Ao mesmo tempo en Bruxelas, días antes do atentado terrorista de Zaventem, Alicia topa indicios desacougantes que a fan temer pola vida da súa parella.
Antón Riveiro Coello é o autor desta novela tecida a partir destas tres historias, unha novela envolvente, na liña do autor, escrita dende o interior de personaxes que atravesan o horror cos ollos abertos e buscan un exorcismo na loita, no exilio ou no compromiso solidario. Intentos deseperados de axustaren toda a dor á expectativa dunha reconstrución.
Entrevista a Antón Riveiro Coello por ‘O paraíso dos inocentes’
Entrevistamos a Teresa Moure, quen ía coordinar un curso de verán sobre Carvalho Calero, que non se levou a cabo pola covid.
Ademais presentamos a peza que VOLVOX, conxunto musical de lírica experimental, presenta para o concurso Musicando Carvalho Calero: O Río De Tempo.
E a nosa colaboradora Alba Cid achéganos a reedición dun dos poemarios máis singulares de mediados dos noventa: A cidade Oculta de Estevo Creus. Orixinalmente publicárase en 1996 e agora Urutau presenta esta nova versión do poemario 24 anos despois, cun limiar breve para a ocasión de María Xesús Nogueira.
Tomar decisións sen distraerse. 5 cancións creadas en tempo presente para 5 fotografías. Porque arestora, máis ca nunca, tócanos estar presentes.
Hai tempo que admiro a creación poliédrica de Benxamín. A súa música e as súas fotos, con eses títulos esenciais no conceptual. A proposta para este proxecto foi escoller cinco das súas fotografías (con cadanseu título), fecharnos nun estudio e crear no momento presente a paisaxe sonora, a música para cada unha das súas imaxes.
O proceso deste EP é un acto creativo en acción, en tanto que cada escolla, cada nota, se apreixou desde a presenza na consciencia. Cada vez fascíname máis a vivencia de que a voz ou o teu instrumento sabe perfectamente o que quere comunicar, só hai que renderse.
‘Tocar a pel do animal’, de Elena Tarrats e Benxamín Otero. Colaboración de Beli Martínez sobre audiovisual galego.
A edición número 13 do Festival Internacional de Curtametraxes de Bueu (Pontevedra) está a ofrecer nesta semana o mellor cinema en formato curto do panorama internacional.
A FIC de Bueu está a proxectar distintas curtas durante a semana. As tardes gardan unha estrutura semellante de luns a venres, xa que ás 16, ás 18, ás 20 e ás 22 horas se desenvolverán as proxeccións dos cinco bloques da Sección Internacional.
O13º Festival Internacional de Curtametraxes de Bueu proxectará máis de 80 obras en sala.
O festival Plataforma acolle hoxe a estrea de “SET”, un espectáculo de Paula Quintas e Nacho Muñoz
No seu segundo día, o festival de artes performativas Plataforma esgotou as entradas para a presentación de “SET”, o espectáculo de danza contemporánea e música electrónica en directo que Paula Quintas e Nacho Muñoz estrean baixo a dirección de Rut Balbís.
Con esta peza, os artistas abordan os novos comportamentos e cinética social pola covid. Unha peza que, nun principio, ía ser de contacto e participativa e que agora deberá ser máis virtual.
Camiño Escena Norte está de volta para unha segunda edición que pretende consolidar unha iniciativa pioneira de intercambio cultural e escénico entre Galicia, Asturias, Cantabria e Euskadi
O proxecto bota a andar o vindeiro 13 de setembro en Compostela para rematar tamén alí o 11 de outubro, con 8 funcións e 6 espectáculos chegados doutras autonomías.
A compañía vasca Kulanka Teatro será a encargada de abrir a programación en Galicia coa obra “Quitamiedos”, de Iñaki Ricarte.
E namentres en Galicia poderemos ver estes espectáculos astures, cántabros e vascos, dúas compañías galegas amosarán as súas últimas producións nestes territorios: La Macana con “Pink Unicorns” e La Quintana Teatro con “Desde lo invisible”.
Amais, do 15 ao 17 de setembro no Centro cultural Vello Cárcere de Lugo, haberá un encontro profesional: “Habitación Peregrina PRO”. Unha actividade que busca crear un novo corredor cultural artellado por medio deste novo territorio compartido, pretendendo fomentar a interrelación e as sinerxias entre compañías deste sector.
Alén, Camiño Escena Norte achega actividades paralelas co nome de “O Camiño Expandido”, que inclúe unha exposición titulada “Ultreia. Que foi Camiño Escena Norte 2019?” do 14 ao 30 de setembro na Biblioteca Pública Ánxel Casal, e tamén encontros online coas compañías participantes, para profesionais e abertos ao público.
Toda a información está dispoñible na páxina web deste proxecto: escenanorte.com