Hoxe conversamos con Aitana Cuétara, xurado no concurso Musicando Carvalho Calero 2020, sobre os máis de 78 temas que chegaron, do xurado e o mecanismo do concurso.
Tamén chamamos a Berta Dávila e Olga Novo que acaban de ser galardonadas cos Premios da Crítica 2019 que outorga anualmente a Asociación Española de Críticos Literarios (AECL).
E ‘Poesía (modelo para romper)’ de Amauta Castro motivo do comentario poético de Alba Cid.
Na sección de Sara Donoso falamos da exposición ‘Camiños Incertos’, da Fundación Camilo José Cela
Na sección de Brais Romero falamos de Cinema Semente, un proxecto multidisciplinar que utiliza o audiovisual para a reflexión e a transformación do mundo rural galego
Na colaboración de Manuel Vicente lembramos o importante papel do científico Fernando Fraga Rodríguez. Grazas ao seu traballo coñecemos a riqueza das rías galegas e a súa evolución histórica.
O Festival Play-Doc de Tui presenta o MOCA: o Museo Online de Cine Autobiográfico. Tamén falamos do Ourense Film Festival, que celebra os seus 25 anos de historia.
Comeza tamén a XXV edición do Ourense Film Festival que se prolongará ata o 3 de outubro. A competición oficial de longametraxes do festival outorgará 5 galardóns: a Calpurnia á mellor película, premio Carlos Velo á mellor dirección, premio especial do xurado, premio ao mellor guión e á mellor interpretación.
Amáis o festival concederá catro recoñecementos: o Premio do Público; Premio Xacobeo, que será outorgado por unha comisión formada por membros da Fundación Carlos Velo, Deputación de Ourense e Xunta á mellor obra con produción ou coprodución galega de todo o festival; o Premio Especial “Eduardo Barreiros”, á mellor opera prima do cinema español estreada entre setembro de 2019 e setembro de 2020; e o Premio CIMA, concedido pola Asociación de Mulleres Cineastas e de Medios Audiovisuais (CIMA) á mellor directora da sección oficial.
O Ourense Film Festival rendirá homenaxe a dúas figuras senlleiras que deixaron pegada no festival. Ao realizador, guionista, produtor, editor e fotógrafo Eloy Lozano, director do festival na súa primeira edición, daquela como Festival de Cine Independente de Ourense, en 1996; coa proxección da súa película ‘As belas dormentes’ e a publicación dunha monografía da man do escritor e crítico de cine Eduardo Galán, ‘Eloy Lozano, o cineasta que devorou a luz’.
Precisamente esa primeira edición de 1996 dirixida por Lozano, abriuse coa proxección de ‘La Moños’, producida por Adolfo Domínguez, que será premiado coa Calpurnia Especial 25 anos.
O Ourense Film Festival homenaxea, no seu 25 aniversario, ao seu fundador: Eloy Lozano.
E Os Minimortos. Benvido ao outro barrio de Ledicia Costa e ilustrado por Mar Villar para Xerais é motivo do comentario de Montse Pena
Inicia co título “Libres. En serio?” a cita que xunta nomes moi recoñecidos do pensamento e do ámbito cultural como a sexóloga Valérie Tasso, o editor Francisco Castro ou a escritora Inma López Silva. Durante dous días falarase de tinder, fútbol e series de televisión e de como afectan á nosa liberdade.
Festival de Filosofía “Libres. En serio?”, con entrevista á corrdinadora, Carmen Adán. Entrevista á artista Dulce Anca, comisaria da exposición “Eau de Femme”. Colaboración de Tito Lesende sobre pop e rock.
O concurso Musicando Carvalho Calero, promovido pola AGAL en colaboración coa CRTVG, pecha o periodo de presentación de candidaturas neste ano cunha participación moi numerosa e de gran calidade.