Con Jorge Rey, creador do Festival Galicreques hai 25 anos, fixemos un balance da experiencia. Presentounos tamén esta edición marcada, como non, pola situación sanitaria.

“Hai un montón de xente nova xa no oficio de titiriteiro e iso é o mellor que nos podía pasar”

Este 2020 non se celebrará unha nova edición fo FIOT de Carballo, pero durante esta pausa, aproveitan para darlle ao “play” a outras alternativas para gozar do teatro. 

A programación cultural estará composta por propostas como Curva España, A lingua das bolboretas, A xente 2.0, Liberto ou Prostitución. 

Durante estes días tamén se poderá disfruta da estrea absoluta da fición sonora ‘A lúa, válvula de spray’. 

A nova tempada da Real Filarmonía de Galicia é moi especial. Por un lado, é o 25º aniversario da orquestra, con sede no Auditorio de Galicia en Compostela. Para conmemoralo, a tempada estará inspirada na natureza baixo o nome “Emocións naturais”. 

Por outro, o inicio de tempada supón tamén a estrea mundial de ‘Alén’, do compositor vigués Eduardo Soutullo, merecedora do X Premio de Composición AEOS-Fundación BBVA 2019. 

A obra, inspirada na Porta do Alén, é unha viaxe entre a vida e a morte e será interpretada por case 30 orquestras de toda España durante as seguintes dúas tempadas. 

Comezan as votacións para decidir que canción é a gañadora do concurso Musicando Carvalho Calero 2020.

Estas son as 10 cancións finalistas:

• Beleza de mulher (Aldea Carnal)
• Calquer lugar e bom para morrer (Benja Morana)
• O meu coraçom (Joao Moniz)
• Todo o mundo é teu (Madalena Gamalho)
• Calquer lugar e bom para morrer (Dandy Fever)
• Demo Deus (Moito!)
• A súa mazá (O Portugués)
• Sonho de Catarina (A Banda da Loba)
• Nom existe a morte (MJ Pérez)
• Ferrol 1916 (Classicos Livres)