Falamos de varios traballos: ‘Esterco’ de Temible Olivina; ‘Mentres todos os meus libros arden’, de Fanny & Alexander; ‘Hoxe o sol brilla por nós’, de Os Bar Ban Sónicos; e ‘Guayakill’, de The Lelly Kelly’s.

Semana de medo en Vilagarcía. Celébrase o Festival do Imaxinario Curtas, centrado no cine fantástico. Serán proxectadas 23 longametraxes e 95 curtas. Falamos co director do festival, Luis Miguel Rosales.

Conmemoramos os 40 anos dos Premios Xerais con dous convidados: Fran Alonso, director de Xerais; e Carlos G. Reigosa, primeiro premiado da historia con Crime en Compostela (1984).

Bieito Ledo será recoñecido como Presidente Fundador dos Premios da Crítica Galicia na XLVI edición dos galardóns que se celebra este sábado na cidade de Vigo.

Lugo acolle a XVI Xornada da Literatura de Tradición Oral, organizada pola AELG: un faladoiro en homenaxe a Dorothé Schubarth, a gala dedicada aos mestres e mestras da memoria e mais unha xornada dedicada ás cancións que se desenvolverá o sábado, titulada ‘Das regueifas ás músicas actuais’, na que participan Sés, O Leo de Matamá ou Alba María.

Conversamos con Lois Pérez, da sección de literatura de tradición oral da AELG e con outros dous dos participantes das xornadas do sábado, a xornalista Marta Veiga Izaguirre, que falará da nova verbena galega e o músico Nuno Pico, que explicará como escribe as súas cancións.