A literatura, a arte ou o cine feitos por mulleres acollen nos últimos anos máis representacións sobre a menstruación, un fenómeno atravesado polo tabú e os mitos durante moito tempo. Conversamos coa divulgadora sobre o ciclo menstrual Laura Veiga e Patricia Porto Paderne, da libraría Lila de Lilith, recoméndanos libros que falan da regra.
Como debe ser a literatura infantil e xuvenil para que as nenas e nenos de hoxe sexan mañá mulleres e homes feministas, comprometidos coa igualdade, respectuosos coa diversidade? As sociedades avanzan, e con elas, a literatura. Especialmente, aqueles libros que caen nas mans dos máis pequenos. Nese sentido, a lectura debe ser unha ferramenta esencial para que as nenas e nenos teñan unha visión do mundo máis actual e igualitaria.
Niso traballan as tres mulleres que hoxe convidamos no Diario Cultural: Teresa González, que é profesora de galego no IES Dionisio Gamallo Fierros de Ribadeo; Eva Mejuto, escritora de literatura infantil e xuvenil; e Isabel Mociño, coordinadora do Ciclo de Literatura Infantil e Xuvenil da Universidade de Vigo
O escritor Joseph Roth naceu en 1894 en Brody, unha cidade hoxe ucraína e daquela, parte do imperio austrohúngaro. Exerceu como xornalista en Berlín e Viena, das que tivo que marchar tralo ascenso de Hitler ao poder. O selo Faktoría K da editorial Kalandraka publica en galego a súa novela A lenda do santo bebedor, unha fábula moderna sobre un vagabundo no París de entreguerras.
A visión que Laxeiro tiña da arte era única. Admirado por estudosos e non estudosos, o seu retrato da Galicia popular esperta fascinación en calquera. Por iso, a Real Academia Galega das Artes dedica este 2022 ao pintor de Lalín e desde a Fundación Laxeiro puxeron xa en marcha a primeira gran exposición por esta data.
‘Laxeiro descoñecido’ apunta directamente a obras inéditas para o público. Serán dúas mostras desta colección aínda por descubrir: a primeira delas, que xa se pode visitar en Vigo, son pinturas de primeira época, entre os anos 30 e 50, para achegarse a un Laxeiro que xa sentía fascinación polo mundo popular, e que amosan á perfección a súa estética, como nos conta nesta entrevista o seu director artístico, Javier Pérez Buján.
A mostra inaugurouse o pasado venres, e poderase ver ata o 5 de xuño na Fundación Laxeiro en Vigo. Será a primeira de moitas neste ano Laxeiro.
‘Rastros’, de Roberto Vidal Bolaño, volve aos teatros
Conversamos con Tito Senna, artista carioca residente no Porto e autor de ‘Coração resiliente’, a obra gañadora da 13ª edición da Bienal de Pintura Eixo Atlántico. Coñecemos tamén o vigués Breogán Torres, gañador do premio Novos Talentos da bienal con ‘As cancións de mariñeiros que falan de liberdade escríbeas xente de terra’
‘Acanteira’ do ‘fiddle’ en Galicia
Algunha vez se preguntaron como é asistir a unha función de teatro para unha persoa con discapacidade visual ou auditiva? Como escoitan os diálogos dos actores, a música ou os efectos sonoros? Como ven os movementos sobre o escenario, os cambios na decoración e nas luces? Son preguntas necesarias para decatarnos que a cultura, un ben esencial, un dereito de todos e todas, non sempre é accesible.
Por sorte, en Galicia podemos falar xa de iniciativas e proxectos destinados a romper esas barreiras. É o caso do sistema que vén de poñer en marcha o Centro Dramático Galego; unha medida pioneira que adapta todas as funcións que se celebran no Salón Teatro de Compostela para que poidan ser desfrutadas en igualdade de condicións por todos os asistentes, con linguaxe de signos, subtítulos e audiodescricións. Falamos con Fran Núñez, director do CDG, que nos comenta que este sistema “posibilita que todas as funcións sexan accesibles no Salón Teatro en principio, pero tamén nos teatros polos que xiren as obras, xa que é un sistema móbil”.
E como reaccionan os usuarios e usuarias? Falamos tamén con Loli Venancio, responsable de Servizos Sociais da ONCE en Galicia e gran afeccionada ao teatro, que xa puido asistir á representación de ‘A Peste’ con este novo sistema.