‘Luz/Sombra’ é o segundo disco de DEVALO, o último proxecto musical de David Miranda, que fai synth-pop en galego desde Gales. Un traballo no que melodía, electrónica e guitarras visten a batalla entre luz e escuridade. Publícao Ferror Records, un dos selos discográficos máis activos na música galega estes últimos anos
José Otero Abeledo, Laxeiro, é un dos máximos espoñentes da vangarda artística galega. A visión que Laxeiro tiña da arte era única. Admirado por estudosos e non estudosos, o seu retrato da Galicia popular esperta fascinación en calquera. Por iso, a Real Academia Galega das Artes dedica este día das Artes ao pintor de Lalín.
Hoxe mesmo inaugúrase na sede da Academia na Coruña a exposición fotográfica ‘Acción Laxeiro’, con fotos de Xurxo Lobato. Con el e co presidente da Academia, Manuel Quintana Martelo, recordamos a Laxeiro e un dos seus momentos máis especiais xuntos: un día de 1987 pintando en directo diante do público na galería Trinta de Santiago.
2018 foi un ano histórico para o feminismo. Vivimos o 8M con maior asistencia e influencia na sociedade da historia, e pensamos que as cousas podían mudar. Uns días antes dese 8-M celebrárase no Teatro Principal de Pontevedra a primeira edición do foro ‘As mulleres que opinan son perigosas’, organizado polas xornalistas Diana López e Susana Pedreira, no que reuniron un bo número de mulleres perigosas.
Esas conversas, reivindicacións, coñecementos e vivencias compartidas chegan agora en formato libro, 4 anos e unha pandemia despois. Como mudaron as cousas para as mulleres que opinan? Conversamos con Susana Pedreira e Diana López, que xa están a preparar a edición de 2022 deste foro único e necesario.
“Cando leo todo é posible (sobre todo o imposible). Cando leo non hai portas, nin fronteiras. Non hai límites nin celas”.
Así imaxina Eva Mejuto o mundo que a rodea cando se pon a ler. O seu novo libro en Xerais, ‘Cando leo’, está ilustrado por Bea Gregores e é un pequeno tesouro no que coñecer o mundo a través das páxinas dos nosos libros. Un album que nos convida a experimentar, a soñar, a ser máis libres, a non ter medo ou a ser nós mesmas. Pero sobre todas as cousas, é un convite a ler.
Unir deseño con tradición vitivinícola e ademais que sexa seguido en todo o mundo. Iso levan facendo desde as adegas Terras Gauda do Rosal desde o 2002, cando comezaron a Bienal de Cartelismo. Desde entón, e cada dous anos, artistas e deseñadores gráficos de todo o mundo participan cos seus carteis tratando de representar o mellor posible a filosofía e esencia desta adega. Unha adega ademais moi vencellada desde sempre ao deseño. A Bienal recibe o nome de Francisco Mantecón, icono do deseño vigués, que faleceu no 2001, e ao que lle renden homenaxe desde Terras Gauda.
Ven de inaugurarse a mostra, que estará ata o 4 de maio na Estación Marítima de Vigo, así que falamos coa comisaria da Bienal, María José Sánchez, que destaca que este ano participan “máis de 1200 deseñadores de 64 países”.
The Lelli Kelly’s presentan o seu segundo disco “A chorar a Cangas”. Vituco Neira conversou coa banda moañesa, que ten no rocanrol e a diversión os seus sinais de identidade.