Antes de chegar ás táboas, o texto sae dun lapis ou dun teclado. Ou, polo menos, ás veces. É o caso da obra ‘As alumnas’, de Paula Carballeira, que nos conta nesta entrevista como foi ese proceso. A peza foi levada aos escenarios baixo a dirección de Fina Calleja. Mónica Caamaño e Anabell Gago póñense na pel de dúas antigas alumnas de María Barbeito, mestre represaliada na ditadura.
Nastasia Zürcher sempre se reivindica como galega-suiza. Hoxe está no Diario Cultural presentando o seu terceiro disco, ‘But life is beauty full’, “Pero a vida é bela” ou “está chea de beleza”. Con ela, deixamos a un lado a melancolía, por moita chuvia que caia, e poñémonos a bailar.
Nas vésperas do Día do Libro, descubrimos que hai detrás do proceso de parto dun libro: dende a escrita á edición, ilustración, distribución…
A Galería Luisa Pita de Santiago acolle a exposición fotográfica ‘Senlleiras‘, unha recompilación de 14 instantáneas tiradas por Juan Adrio. Nas imaxes aparecen árbores senlleiras retratadas pola noite.
“Non hai nin un só nome de muller nos manuais de lingüística”
Con esa premisa escribiu Teresa Moure ‘Linguística escreve-se com A’ (Através editora). E non só por recuperar nomes de mulleres, senón por demostrar que as súas achegas a este campo son igual de importantes que as dos homes. Neste ensaio repasa as contribucións das mulleres en campos lingüísticos como a tradución ou a antropoloxía, e noutros máis singulares como a criptoloxía ou a primatoloxía.
En todos eles, as mulleres fixeron contribucións pioneiras, pola súa maneira particular de enfocar e de mirar os ámbitos de estudo. María Moliner na lexicografía, Jane Goodall na primatoloxía ou Margaret Mead na antropoloxía, son algunhas das figuras máis relevantes que Moure estuda neste ensaio.
A 15ª edición do Festival Independente de Vilalba (FIV) volve estes 22, 23 e 24 de abril con tres escenarios que acollerán actuacións de Sen Senra, Natalia Lacunza ou Baiuca. Carlos Montilla é o coordinadora artístico deste festival.
Os visitantes que estes días se acheguen ao Pórtico da Gloria atoparán un obxecto estraño nese lugar, cheo de cor fronte á pedra do monumento, pero que representa unha figura ben recoñecible como é o Apóstolo Santiago. Trátase da obra do artista cubano David Planas, que leva anos traballando arredor da idea do Apóstolo, do camiño e dos seus peregrinos. Chámase ‘Os 365 rostros do Apóstolo Santiago”, e aínda que sabemos que se trata de Santiago o Maior, e rapidante o relacionamos con ese outro que coroa o Pórtico do Mestre Mateo, ao mesmo tempo interpélanos de maneira moi diferente ao de granito.
A Casa do Cabido de Santiago de Compostela acolle a exposición ‘Romero Masiá, pintor en compostela. Abstracción e figuración’. Falamos co autor das obras da mostra, Rafael Romero Masiá.
O artista Xabier Díaz presenta o seu último disco en solitario, ‘Levantarse e caer’, que leva por subtítulo ‘Arrolos e abrentes’. Unha volta máis á súa música para cantarlle á infancia ou á paisaxe dende a mirada adulta.
Premio de Poesía Afundación e Premio da Crítica Española. ‘E o sol era ela’, o poemario de Medos Romero publicado por Arte de trobar, protagoniza o libro da semana do Diario Cultural. Ana Romaní conversa coa autora arredor das cicatrices, dos infernos persoais e da beleza desde a que é preciso mirar no interior de unha mesma.