O Carrabouzo celebra os seus 40 anos. Unha exposición no Centro Sociocultural O Ensanche de Santiago de Compostela repasa a historia destas viñetas creadas por Xosé Lois González Vázquez.

“Os festivais promoven a interacción e esa formación comunitaria, comunal que tanto precisamos”. Comeza en Pontevedra a oitava edición do festival Novos Cinemas. Falamos co director, Suso Novás.

Conversamos con Carlos Martínez-Peñalver sobre a súa primeira longametraxe, unha ficción con aires documentais rodada na Serra da Estrela, en Portugal. Xoel vai ás montañas para gravar os sons da natureza, alí atopará un modo de vida en transformación e un contorno natural ameazado por unha turistización mal entendida. À procura da estrela’ é a película de apertura’ do festival Novos Cinemas de Pontevedra. 

O Coro da Ra celebrará o seu 30 aniversario cun concerto no Auditorio de Galicia de Santiago o vindeiro 17 de decembro.

Falamos co seu director, Ramón Bermejo.

“O desafío maior ao que me enfrontei foi a aparición das grandes palabras”. A escritora e editora Dores Tembrás presenta novo libro. Enxertos esculca as pegadas, lembra as aprendizaxes primeiras.

‘Sede de ruína’ é o último disco d´Os Bar Ban Sónicos, un grupo que leva xa un lustro facendo rock garaxe desde o Barbanza. 

Charlamos con Cris Pavón, autora de ‘Eva e Lucy’, unha historia na que ciencia e relixión se entrelazan para contar a relación entre unha filla e a súa nai, condicionada pola deterioración cognitiva desta última.

Sound Troop, os sons ocultos das películas

O Consello da Cultura Galega acaba de facer dispoñible en Internet parte do Fondo Miguel Gutiérrez, que recolle propaganda e publicidade política desde os anos finais do franquismo ata a década dos 2000. Entre os documentos xa accesibles están o cartel de Isaac Díaz Pardo para a manifestación polo Estatuto de Autonomía en 1979, homenaxes aos últimos fusilados do franquismo ou exemplos de convocatorias feministas, ecoloxistas, sindicais e veciñais. Exploramos o Fondo Miguel Gutiérrez con Emilio Grandío, coordinador do grupo HISPONA da USC, que lidera a súa catalogación.

‘Vía Morta’ é un espectáculo teatral inmersivo que sitúa o público nun campo de persoas refuxiadas. A montaxe parte dun texto do escritor e actor Carlos Olalla, inspirado polas visitas a campos de refuxiados do colectivo Pallasos en Rebeldía. Dirixe o espectáculo Eva Egido e forman o elenco Iván Prado, Anabell Gago, Fran Rei e Rocío Salgado. ‘Vía Morta’ estréase o domingo 10 de decembro no auditorio Constante Liste do concello coruñés de Teo.