Coñecemos a literatura de Annie Ernaux coa escritora Berta Dávila, a libreira Mercedes Corbillón e o editor Moisés Barcia, que en xaneiro publicará a primeira tradución da escritora francesa ao galego.
O grupo recibe o galardón honorífico na Gala dos Premios Martin Códax da Música
Ton Van Vliet naceu nos Países Baixos e chegou a Galicia de vacacións cun amigo nos anos 80. En realidade el quería ir a Escocia, pero o amigo tiraba máis para España, e acordaron que o punto intermedio entre os dous países era Galicia. Así foi parar, por casualidade, a Agolada. Primeiro foron dous meses, agora xa é unha terra e unha xente á que leva no corazón e á que visita sempre que pode.
Con esa emoción, estivo hoxe no Diario Cultural presentando o seu libro, ‘O pálpito interior’, editado polo tamén fotógrafo Eutropio Rodríguez para aCentral Folque. Eutropio chegou a través das redes ás imaxes de Ton, e soubo que tiña que facer un libro.
Agora ‘O pálpito interior’ preséntase na primeira edición do festival Cámara Escura de fotografía e literatura. O 6 en Compostela, o 7 na Golada e o 8 en Mondoñedo.
O curso ‘A configuración da paisaxe fílmica galega: da luz á memoria’ analiza a construción cinematográfica da paisaxe galega
O MOCA, o Museo Online de Cine Autobiográfico, animábanos no verán de 2021 a remexer nos faiados das nosas casas na procura de vellas gravacións familiares. Con ese material, presentan agora a colección Reencontros, protagonizada por historias da emigración.
Pablo Gómez Sala é o director do Moca e un dos encargados de dar sentido a esas horas de gravacións e metros de cinta dos anos 50 ou 60 que chegan ás súas mans. Gravacións do día a día, sen maiores pretensións, que contan tamén parte da Historia con maiúsculas.
Escritor e licenciado en Filosofía, Miguel Vázquez estrea unha aproximación a esta disciplina desde a realidade máis próxima
O fotógrafo avilés que viviu e traballou en Galicia nos anos da xeración Nós, Luis Casado, pon nome aos premios de creación fotográfica que promove a Deputación da Coruña cada ano, comisariados por Xurxo Lobato. Os actos desta 16ª edición comezaron en Santiago coa presentación de ‘Lume’, a serie gañadora.
Detrás da cámara, o fotoxornalista ourensán Brais Lorenzo. Un fotógrafo comprometido coa terra, coa xente e co oficio, que leva máis de 10 anos retratando os incendios da provincia de Ourense. As súas imaxes poderanse ver ata o 6 de novembro no Museo do Pobo Galego, e logo en itinerancia por outras vilas e cidades de Galicia.
As actividades do Premio Ksado pasan tamén por Muros, cun recordo aos fotógrafos Juan Malvárez e Perpetua Malvárez, pai e filla. E o resto da semana pola Coruña, onde estarán impartindo dúas clases maxistrais o fotoxornalista, premio Pulitzer, Emilio Morenatti, e a editora da Axencia Europea de Prensa, Maria Mann.