Destacados
O FITO amplía espazos, voces e estratexias
Comeza o XV Festival Internacional de Teatro de Ourense
O que é ‘Enser’
‘Enser. O que son as cousas’, de Marcos Lorenzo, é un dos títulos que estrea a colección ‘Heterodoxos’, da editorial Galaxia. Un libro de aforismos, notas, diagramas e versos nacidos coa crise económica nos que o autor vai á procura de verdades sinxelas ás que aferrarse no barullo de mensaxes do noso tempo.
Querido Diario: vivimos moitas aventuras este verán en Ribadeo
Querido Diario: vivimos moitas aventuras este verán en Ribadeo. Podería ser unha páxina calquera do diario de Lois, protagonista de ‘A gruta da torre’, que vai pasar as vacacións a Ribadeo para reunirse coa súa cuadrilla. Caras vellas, caras novas e unha tarefa pendente do curso, escribir un diario. Entre escribir e ler, o mundo real e o fantástico mestúranse no día a día de Lois, que vai vivir a aventura da súa vida.
Pasadizos secretos, a foca Cuquita e faros que se apagan na noite, unha novela que asina Lois Pérez e que resultou gañadora do V Premio Agustín Fernández Paz pola Igualdade.
Preséntase NOGA
A nova asociación reúne a profesionais da narración oral galega
‘Paxaros’, un poema-canción desde Montevideo
A escritora arxentina Natacha Ortega e a ilustradora uruguaia Lucía Franco son as autoras de Paxaros, un álbum publicado pola editorial Kalandraka que convida a rapazada a reconquistar o espazo urbano a través da poesía e da música. Paxaros obtivo unha mención no premio Compostela de álbum ilustrado ten versión en galego de Xosé Ballesteros.
Nerea Barros e ‘Memoria’: “Os avós aínda entenden o equilibrio coa terra”
Onde antes había auga, agora só queda terra. Nerea Barros lévanos na súa primeira película como directora ao mar de Aral, na fronteira entre Uzbequistán e Kazajistan. Ou máis ben ó que queda del, que é o recordo. ‘Memoria’ é unha peza sobre o recordo dese mar que xa non está, que non se ve, que non se escoita e que non podemos cheirar; ou si, a través da memoria transmitida entre xeracións, de avós a netos.
Con este traballo, Nerea Barros vén de ser recoñecida no Festival Curtocircuito con dous premios, a mellor dirección e mellor filme galego. E seguirá dirixindo. En camiño, unha triloxia sobre esta Memoria.
Homenaxe a Mª do Carme Kruckenberg en Vigo
A mostra “Vivir, unha aventura irrepetíbel” percorre a figura e a obra da poeta falecida en 2015
‘A vexetariana’, de Han Kang, primeira tradución do coreano ao galego
A vexetariana é unha das obras máis coñecidas da escritora surcoreana Han Kang e recibiu galardóns como o Man Internacional ou o premio San Clemente do instituto compostelán Rosalía de Castro. Rinoceronte Editora publícaa agora en galego, en tradución de Alba Verea Pérez, que nos atende desde Seúl para comentar as claves desta perturbadora novela e os dilemas que afrontou para vertela á nosa lingua.
As editoras galegas estrean stand propio en Liber
A presenza na feira que se celebra en Barcelona abre un calendario que terá continuidade na feira do Libro de Frankfurt
- ‹ Anterior
- 1
- …
- 42
- 43
- 44
- 45
- 46
- …
- 221
- Seguinte ›