Comeza unha nova edición do festival de cinema fantástico de Vilagarcía. “Curtas Festival do imaxinario” celebra 50 anos con “Regreso ao futuro” e as viaxes no tempo como fío condutor.

Manoele Caamagno présentanos o novo disco da banda de Sigüeiro, oito cancións con espírito cómico-político que miran aos anos 90 para escapar do futuro distópico.

O LP, en que se nota a man do produtor Carlos Hernández, comeza cunha versión de ‘Xuntos’, de Juan Pardo, remata coa canción ‘O día que Fraga finou’. 

O grupo presentará en directo o novo traballo o 29 de outubro na sala Capitol de Santiago.

María do Cebreiro Rábade Villar publica o ensaio Maternidades virtuosas. Unha crítica aos modelos profesionais de crianza

Na Fraga de Valiñas de Becerreá, hai 50 anos, comezou a historia de Helena Villar Janeiro coa poesía. Unhas vodas de ouro, como ela di, que celebra con un libro, ‘De rosa antiga’. Unha antoloxía que vai desde ‘Alalás’ en 1972 ata ‘Poesía Mínima’ no 2018, e que inclúe tamén algún traballo inédito.

Falamos con Helena Villlar Janeiro neste Día das Escritoras.

O Pazo da Cultura de Narón acollerá, este domingo, a estrea teatral de “Ninja”. Unha obra do Teatro Ghazafelhos pra os máis cativos que aborda a problemática do acoso escolar. Conversamos con Pepablo Patinho, director da obra, e Montse Piñón, actriz. 

Estamos rodeados de marcas, simbolos, logos… O deseño está en todas partes e estrutura dalgún xeito o mundo que nos entra polos ollos. En Galicia temos moitos e moi bos exemplos de deseños que son xa parte do noso patrimonio cultural. Hoxe imos mirar, nada máis e nada menos, que a 100 deles.

Para iso imos ata o espazo cultural da Universidade da Coruña, NORMAL, que acolle desde hoxe a exposición ‘A Galicia deseñada’, que nos propón unha viaxe pola historia do deseño galego. Un dos comisarios é o profesor de Belas Artes Marcos Dopico, e os outros dous son Cibrán Rico e Suso Vázquez, fundadores do estudio de deseño desescribir, cos que hoxe falamos no Diario Cultural.