A Real Academia Galega celebra o Simposio Florencio Delgado Gurriarán os días 3 e 10 de novembro para afondar en diferentes aspectos da vida e obra do homenaxeado nas Letras Galegas deste ano. Conversamos con Xosé Manuel Dasilva, catedrático da facultade de Filoloxía e Tradución da Uvigo, que achegará a súa análise das traducións que realizou Delgado Gurriarán, e co académico correspondente Ramón Nicolás, que investigou a correspondencia do poeta valdeorrés con Rodolfo Prada e Ramón Otero Pedrayo.

A sede compostelá de Afundación acolle ata o 18 de febreiro ‘Imaxinaria’, a cuarta edición da Mostra Internacional de Ilustración Contemporánea.19 ilustradoras e ilustradores, seis deles galegos, presentan obras que demostran a potencia da ilustración como expresión artística persoal. Conversamos con Matilde Rodríguez, a comisaria da mostra, e con Berto Fojo, un dos participantes.

Publícase en galego a primeira novela da escritora catalá Marta Orriols. ‘Aprender a falar coas plantas’ conta un ano na vida de Paula Cid, unha neonatóloga de 42 anos que perde a súa parella nun accidente, horas despois de que el lle comunicase que marcha da casa porque namorou doutra persoa. Aira Editorial publica a novela, que foi premio Ómnium como mellor libro do ano en 2018 e está traducida a 17 linguas

Os espazos cotiáns, as amizades, a familia e o propio museo protagonizan a mostra de Meijide, resultado da sexta edición da iniciativa ‘Artista en residencia’. ‘Pánico no museo’ pode visitarse na Fundación Granell ata o 29 de xaneiro.

‘A muller que viviu mil vidas’ é un longametraxe documental que se achega á vida da intérprete coruñesa que tivo que marchar ao exilio en 1936 e acabou por converterse na gran actriz do teatro francés. Xavier Villaverde realiza unha colaxe audiovisual baseada no libro de memorias de Casares, Residente privilexiada ao que incorpora material de arquivo, obras de artistas plásticos e experimentos visuais. Interveñen no filme María Lopo, Manuel Rivas, Emilio Grandío ou Mabel Rivera.

Coñecemos o taller de público de TCR Danza, unha das actividades da programación expandido deste ciclo do Teatro Rosalía de Castro da Coruña. Conversamos con Caterina Varela, coordinadora da programación expandida de TRC Danza e con Pilar Pato, unha das asistentes ao taller, que ten a súa próxima cita este mércores, para prepararse para a peza ‘A muerte’, que Hermanas Gestring levan ao Rosalía este sábado. 

Pontevedra acolle o décimo Encontro Nacional de Deseño, titulado ‘Cidades imaxinadas, cidades deseñadas’, no que se imaxinan espazos urbanos máis accesibles e inclusivas. Profesionais do deseño, a arquitectura ou a moda participan no evento, que tamén propón actividades abertas á cidadadanía. Conversamos con dous deseñadores galegos que presiden as entidades convocantes, Uqui Permui, de READ,e Xosé García, de DAG.