Destacados

Vilagarcía convertése esta semana en ‘Cidade de Libro’

12 Xuño, 2023

Rayden, Juan Tallón, Carme Chaparro, María Solar ou Ian Gibson son algúns dos convidados na terceira edición de ‘Vilagarcía, Cidade de Libro’, unha programación de actividades en torno á literatura que se desenvolven entre o 12 e o 18 de xuño e que debullamos con Nacho Fungairiño.
Conversamos con outra das convidadas, Andrea Maceiras, unha das autoras máis premiadas da nosa literatura infantil e xuvenil, que participará este venres nunha das ‘Conversas ao Solpor’. 

Cantometrics, unha mirada contemporánea do arquivo de Alan Lomax

9 Xuño, 2023

Cantometrics toma o nome e a inspiración do método de análise do musicólogo estadounidense Alan Lomax, que fixo recollidas musicais por todo o mundo, e estivo en Galicia nos anos 1952 e 1953. Cantometrics revisan e transforman algunhas das pezas do arquivo de Lomax empregando acordeón, marimba, percusións, zanfona, gaita e voz, nunha viaxe que non só une pasado e presente, tamén a música galega coa de Marrocos, as Antillas, Andalucía ou Nova Orleáns. Conversamos con Luís Sánchez Bolón e Marina Fernández Vigo, dous dos integrantes do grupo. 

A SELIC volve celebrar a lectura na praza compostelá da Quintana

9 Xuño, 2023 0:18:57

O Festival da Lectura volve a Santiago entre o 9 e o 18 de xuño. Autores como Miguelanxo Prado, Cristina Morales, Olga Novo ou Suso de Toro participarán nesta sétima edición da SELIC, que inaugura unha sección dedicada á literatura criminal, con Arantza Portabales, Patricia Janeiro, Lorenzo Silva ou Diego Ameixeiras. O encontro incluirá conversas, sinaturas, dramatizacións, paseos literarios e concertos como os que ofrecerán Christina Rosenvinge e Su Garrido Pombo.

A xira de despedida de ‘Elisa e Marcela’

8 Xuño, 2023

Despois de 6 anos de xira e 270 representacións a compañía teatral A Panadaría dille adeus a esta montaxe que conseguiu 4 premios María Casares, entre outros recoñecementos. Unha comedia musical inspirada por Elisa Sánchez Loriga e Marcela Gracia Ibeas, as dúas mulleres que conseguiron casar na Coruña no ano 1901, que xa viron cerca de 50.000 espectadores en toda a Península. A despedida comeza o 13 de xuño en Bembrive e rematará na Coruña o 1 de xullo, co epílogo dunha función especial na MIT de Ribadavia e vén acompañada dun libro que inclúe o texto da montaxe, as partituras das cancións e diferentes achegas sobre esta obra que xa forma parte da historia do teatro galego. 

 

As chaves do éxito para Luz Casal: “Esforzo e inconformismo”

7 Xuño, 2023

Luz Casal foi elixida como ‘comendadora’ das Artes e Letras en Francia, a máxima distinción artística do país. A cantante subliña a importancia que ten para ela o esforzo persoal e as ganas por mellorar cada día para conseguir os seus obxectivos: “Todo recoñecemento é unha proba de que existes para o mundo”.

A poesía con fouciño de Samuel Merino

6 Xuño, 2023

‘Con esta hoz’ inclúe poemas en galego e castelán, camiños vitais que Samuel Merino abre na maleza coa axuda do fouciño. Literatura e filosofía danse a man na obra, publicada por Disbauxa, unha nova editora catalá centrada no plurilingüismo, a oralidade e a diversidade. Merino presenta o poemario o 8 de xuño en Ourense e o 9 de xuño en Pontevedra. ‘Con esta hoz’ incorpora un audiolibro, ‘Con esta fouce’, para escoitar os poemas recitados polo seu autor. 

“O poema non é as palabras na páxina, iso é o iceberg do poema”

5 Xuño, 2023

Chega ás librarias As cunchas baleiras, o novo libro da poeta Branca Novoneyra.

Chicharrón: “Este disco reivindica o ‘indie’, que agora está moi deostado”

5 Xuño, 2023

O grupo carballés publica o seu sexto disco, ‘O que nos queda por non dicir’. Un novo comezo para a banda, nacida hai unha década, e que agora forman Alberto Vecino, Mara Pérez e Rosalía Fernández Rial. Gravado en Nadal de 2022 no seu local de ensaio, o álbum é unha fotografía dun momento feliz e familiar que estrearon en directo nunha minixira polas casas dos amigos do grupo.

Rosalía universal

2 Xuño, 2023

Conversamos co escritor asturiano Xuan Bello, un dos participantes na cuarta edición de ‘Rosalía en Camiño’, un programa comisariado por Chus Pato que inclúe recitais poéticos e paseos literarios en Padrón, Santiago e Lugo. Acompáñanos tamén Anxo Angueira, presidente da Fundación Rosalía, e explícanos o propósito destes diálogos literarios multilingües.

“No meu caso hai unha intención de reivindicar esas prácticas que foron desprezadas por ser consideradas femininas decorativas”

1 Xuño, 2023

Almudena Fernández Fariña inaugura no CGAC a exposición Pisando charcos.

Pin It on Pinterest