Xavier Alcalá publica a novela ‘The making of’, unha novela da editorial Galaxia que fala sobre a emigración. Trátase dunha historia que mestura ficción con realidade. A primeira historia presenta un escritor e enxeñeiro que empeza a investigar unha desaparición.

“Eu tentei contar a realidade”, explica Xavier Alcalá.

O escritor consegue nesta novela sacar á luz un gran número de historias agochadas que a sociedade precisa coñecer.

“Quedan moitas cousas por contar”, asegura Xavier Alcalá.

Todas as historias están vinculadas cos galegos e resultan moi curiosas para coñecer a historia do país.

A violinista granadina María Dueñas actúa como intérprete solista da Orquestra Sinfónica de Galicia esta noite no Palacio da Ópera da Coruña. “O talento hai que traballalo”, explica Andrés Lacasa, xerente da Orquestra Sinfónica da Coruña, quen se amosa moi satisfeito coa gran demanda da xente nova por acceder ao mundo musical. “Ao redor da OSG hai máis de 600 mozos e mozas”, asegura no Diario Cultural. En relación con isto, a Televisión de Galicia estrea este sábado o programa ‘Ben Compasado’, unha aposta pola música clásica.

Neste espazo cultural tamén presentamos o festival do Castañazo Rock que se celebra esta fin de semana en Chantada. “Decidimos apostar pola diversidade musical para ampliar o público”, conta Iván Gómez, un dos organizadores do evento. Grupos como ‘Rebeliom do inframundo’, ‘Lágrimas de Sangre’ ou ‘Mafalda’ serán os protagonistas deste festival cheo de rock.