A editora Irmás Cartoné traduce ao galego a clásica novela ‘O conto da criada’, de Margaret Atwood. En xuño comeza a emitirse a terceira temporada da serie de HBO. É a historia dun réxime tiránico, relixioso e misóxino que retrinxe os dereitos das mulleres e que usa a aquelas que son fértiles como escravas para ter fillos para as elites.

A novela, publicada en 1985, reflexiona sobre a posibilidade de retroceder en dereitos e liberdades coa volta aos valores tradicionais e a reacción contra a igualdade de xénero.

Neste Diario Cultural falamos con Celia Recarey, editora e tradudora; e con Carlos Valdés, editor e tradutor.

“No traballo de tradución tivemos momentos de angustia porque agora, cando volven os debates sobre a xestación subrogada, escoitamos os mesmos argumentos que aparecen na novela”, contan os tradutores, preocupados porque o libro parece máis realidade que ciencia ficción.

Neste Diario Cultural falamos de literatura infantil e xuvenil coa escritora Pilar Serrano. Tamén estaremos na exposición da artísta plástica Verónica Moar.

Por primeira vez un filme en galego estará no Festival de Cannes. O director de cine Oliver Laxe viaxará á localidade francesa coa produción ‘Aquilo que arde’, o que significa un gran paso para o audiovisual galego.

O escritor Manuel Portas publica ‘Por puntos’, un libro que narra a historia dun grupo de persoas que coinciden nun curso de recuperación de puntos do carné de conducir. Experiencias que a maioría das persoas manteñen en segredo pola vergoña de recoñecer que asisten a estes cursos.

“É como un iceberg, vemos moi pouco e debaixo do mar, agóchase un mundo”, asegura o escritor.

Es España, máis de 36.000 condutores pasaron polos cursos de recuperación por puntos en 2017. Unha realidade descoñecida da que moi poucos falan.

“Vivimos nun mundo que contén outros mundos”, di o escritor, quen destaca a importancia de descubrir as vidas dos que temos arredor.

Comeza a exposición ‘Máis alá do estereotipo’ na Igrexa da Universidade en Compostela. Neste Diario Cultural temos connosco a artista vistual Mery Pais.

Cal é a orixe das barreiras que levantamos entre diferentes culturas? Hoxe creamos pontes entre Galicia e Marrocos e descubrimos que o descoñecemento é o único que nos separa.

A artista Mery Pais emprega a arte para rachar cos prexuízos e amosar unha realidade xusta e diversa. Cada peza da exposición amosa cada un dos prexuízos que sofren as mulleres musulmanas como, por exemplo, os relacionados coa súa vestimenta.

Neste Diario cultural falamos da exposición do fotógrafo portugués Antero de Alda. Temos connosco a Luis Martínez-Risco Daviña, presidente da Fundación Vicente Risco.