A Fundación Uxío Novoneyra organiza as residencias literarias “Ámeto Mítico”. 

A experiencia de escrita en residencia inspírase no libro de Novoneyra, “Arrodeos e desvíos do Camiño de Santiago outras rotas”, publica póstumamente no 1999. Nesta derradeira entrega, Novoneyra despregou unha xeografía soñada da lingua e de Galicia a través dos topónimos e os mitos, empregando o Camiño de Santiago como espazo de referencia múltiple dun peregrinar imaxinario. 

No Museo das Belas Artes da Coruña inaugúrase a exposición “Pinceladas Ocultas”. Unha mostra sobre o cadro “Arrepentimento de San Pedro”, de Francisco Collantes, un pintor do barroco español do século XVII. Esta obra inclúe unha imaxe oculta que agora, despois dunha investigación, podemos coñecer.

No Diario Cultural falamos con Laura Carrera, responsable do departamento de restauración.

Celebramos o Día Interancional da Conservación e a Restauración con dúas profesionais que traballan con materiais moi diferentes: Belén Sáenz-Chas do Museo do Pobo Galego e Thais López do Centro Galego de Arte Contemporánea. 

Nos últimos anos, múltiples estudos sobre o Lazarillo provocaron unha importante actividade na percepción cultural e ideolóxica de todo o que afecta á obra. A Universidade da Coruña, consciente destes cambios de orientación, convoca estes días un Simposio Internacional sobre o tema “O Lazarillo de Tormes e os seus continuadores”. Nel, aténdese tanto aos textos orixinais como ás traduccións, adaptacións e continuacións da obra. 

Así mesmo, estréase a traducción do “Lazarillo” ó galego. 

A Agrupación Musical de Vincios celebra o 40 aniversario da súa escola de música. Era o ano 1979 cando Xulio Costas Davila e Guillermo Costas Valverde crearon este proxecto na parroquia de Vincios, no concello de Gondomar. A agrupación, actualmente, está formada pola escola de música, a banda e o coro. 

Está mañá, na Biblioteca do Consello da Cultura Galega, en Compostela, presentouse o informe “A situación das traballadoras dos sectores audiovisual e das artes escénicas”. O estudo constata a discriminación de xénero existente no teatro e no audiovisual galego. Falamos con Hakan Casares, responsable do Observatorio da Cultura Galega.