Visitamos a primeira edición do festival Audacia, que ofrece na Cidade da Cultura encontros con artistas como Óliver Laxe, Janet Novás ou Miguelanxo Prado, obradoiros de formación e un espazo expositivo pra emprendedoresartísticos e centros de formación. Entre o público, estudantes de ensinanzas artísticas chegados de toda Galicia.

A consellería de Cultura e Turismo, a través da Dirección Xeral de Políticas Culturais, organiza a II Xornada de Bibliotecas Públicas de Galicia. Celebrarase o 21 de outubro no Auditorio do Centro de Innovación Cultural na Cidade da Cultura en Santiago de Compostela.

Co lema Bibliotecas inclusivas: accesibles a todas e todos, esta xornada pretende destacar o importante papel que deben desempeñar as bibliotecas nos espazos acccesibles e integradores das persoas con diversidade funcional.

Entrevistamos a Jesús Torres Junquera, director da Biblioteca pública Ánxel Casal de Santiago.

Volven The Homens, a banda de referencia do pop galego ofrece primeiro concerto de regreso no Grelo Folc de Monfero.

Falamos con Martiño Suárez para coñecer máis desta nova etapa.

O Salón Teatro de Santiago estrea ‘O que segue’ esta fin de semana. É a nova proposta da creadora Cristina Balboa, realizada en coprodución co Centro Dramático Galego.

Cristina Balboa dirixe e interpreta, ademais de ser a autora da música e asumir a produción xunto a Manu Lago.

Brais Morán presenta unha nova canción que, entendemos, formará parte do seu novo disco.

O fotógrafo José Caruncho e o xornalista Antonio López publican ‘A cela. Vivir na aldea dos bolos’. Un libro co que se inicia o selo Edicións Picós.

Regresa á cidade de Compostela o “Outono Códax Festival” na súa xa 9ª edición. Música negra, rythm&blues, soul, country, rockabilly e o rock ‘n roll máis clásico daranse cita nun ciclo de cinco concertos que traerá polo país a algunha figura do máis destacado do xénero. 

Producións Teatrais Alakran estrea ‘Finisterrae, o último ultramarinos’. A compañía de Borja Insua leva á escena un texto de María Lado e mestura teatro de actor/actriz con teatro de obxectos.