A exposición “O camiño Francés en 360º”, do fotógrafo madrileño Goyo González, inaugúrase o 22 de novembro no Museo das Peregrinacións, na Praza das Praterías en Santiago de Compostela. 

 “As liñas do paraíso”, de Antón Riveiro Coello e “Crónica denigrante”, de Álex Alonso, fánse co Premio Torrente Ballester de Narrativa en Galego da Deputación da Coruña. O tribunal, nesta 31º edición do galardón literario, destaca a capacidade de ambos autores á hora de recrear a realidade social. 

Falamos tamén da nova Escola de Estudos Superiores de Música de Galicia, con sede en Valga. 

Mañá, 20 de novembro, o Coro Cantábile da Coruña presenta no Teatro Colón o seu novo proxecto: “Palabras de Luz. A proposta, que conta coa colaboración da Deputación de A Coruña, intégrana doce poetas, seis compositores e o propio coro. 

Ademais, felicitamos a Emma Pedreira, Carlos Busqued e Antonia Manzini, premios “San Clemente Rosalía Abanca” na súa XXV edición. 

A Semana de cine submarino de Vigo homenaxea ao documentalista e fotógrafo galego Jorge Candán.

O Teatro Afundación acolle as proxeccións desta 29 edición da Semana entre o 20 e o 22 de novembro.

Os días 19 e 20 de novembro, a Xunta e a Fundación Camilo José Cela celebran o III Encontro de Escritores de Iria Flavia. Unha cita na que autores, literatura e vangarda uniranse no marco do 30 aniversario da concesión do Premio Nobel a Camilo José Cela. 

Ademais, o cinema galego segue a acadar éxitos polo mundo. Descubrimos os nosos filmes premiados en diferentes festivais do panorama internacional do cine. 

A lusofonía unida a través da improvisación oral. Compostela e Baio acollen dende hoxe ata o mércores as actividades da Regueifesta, a festa da imporovisación galego-portuguesa á que nos achegámonos co profesor Manolo Maseda.