A compañía “Monicreques de Kukas” e Xesús Alonso entre outros, galardoados nos Premios da Cultura Galega 2019. Falamos con eles e repasamos o resto de premiados. 

Ademais, Manuel Bragado publica a súa primeira obra literaria: “Vigo, puro milagre”. 

Conta atrás en Verín para o comezo do seu XIV Festival Internacional de Curtametraxes. Falamos cos seus responsables Carlos Montero e Jorge Godás.

Música galega, aquí e acolá: Xabier Díaz atópase de xira por Sudamérica e os galegos Ataque Escampe estarán na nova edición do festival “Suns Europe”, o festival europeo máis importante das artes en lingua minoritaria. 

O venres 29 de novembro, en Pontevedra, comeza o Culturgal deste 2019. O sábado, dentro das actividades programadas, o grupo musical “Deteriorados” dará un concerto para todos os plúblicos. Falamos con eles do proxecto que no que se integran:  “Vulnerables.org”. 

Propostas escénicas para todos os públicos no Día internacional para a eliminación da Violencia contra as mulleres. Coas reflexións de Teatro Ghazafellos, Elefante Elegante e Paula Carballeira.

“Formigas nos pés” é a primeira novela de Nazaret López. A novela aborda o dó dunha muller que fica soa aos 50 anos e que debe reinventarse desde ese punto de devastación interna, a historia de alguén que inicia un arduo proceso para reconstruírse e para aprender a camiñar sen aqueles brazos que a sostiñan e que ela cría eternos.