“Compostela é, a día de hoxe, o único encontro que existe na península ibérica e o segundo europeo” . Comeza a sexta edición do Encontro Internacional Compostela Ilustrada. Falamos con Gemma Sesar, coordinadora.

Hoxe lemos a escritora estadounidense Edith Wharton coa compaña de dous dos seus editores e tradutores ao galego. Neste 2023 chegaron ás librarías dúas traducións ao galego de Wharton: Expiación e outros relatos, catro contos compilados por Irmás Cartoné e traducidos por Celia Recarey Rendo e mais As irmás Bunner, traducido por Alejandro Tobar para Hugin e Munin. 

O Museo do Gravado de Artes, no concello de Ribeira (A Coruña), vén de ser distinguiudo este ano cun dos Premios da Cultura Galega 2023. Ata alí achegouse o comañeiro Vituco Neira para conversar co seu director, Xoán Pastor Rodríguez Santamaría.

“É un luxo poder romper os esquemas cronolóxicos para poder xerar outro tipo de asociacións”. Afundación inaugura a exposición “Xeometría Mundi”. A mostra, comisariada por Juan de Nieves, aborda de forma simultánea o traballo de Luís Caruncho en distintas disciplinas.

O batería Miguel Lamas publica o terceiro disco do seu proxecto persoal. En ’30’ o músico fenés volve á mirada á música tradicional galega e parte de pezas populares que transforma coas sonoridades do jazz, o funk e o soul. No álbum colaboran voces como Xabier Díaz ou Carmen Rey, canda a banda Ardora, formada por músicos galegos e iberoamericanos.

O título de ’30’ fai referencia ao trixésimo aniversario de Lamas, que xa atesoura unha longa traxectoria como músico de sesión e de directo con artistas como Dani Martín, Miguel Poveda ou Maldita Nerea, onde actúa como produtor e director musical.

Falamos coa gañadora do Premio Merlín de Literatura Infantil 2023 concedido por Xerais. Trátase de Leticia Barbadillo e da súa obra ‘A botella de lentellas’.

“É un libro sobre a experiencia de vivir o deserto”. Ana Cabaleiro publica ‘Xa vemos palmeiras’, entre a autoficción, o caderno de viaxe e o texto memorialístico.

‘O pobo canta: o pensamento político de Pier Paolo Pasolini’ é o título da xornada que organiza o Consello da Cultura o martes 7 de novembro no Centro Cultural Marcos Valcárcel de Ourense. Conversamos cun dos coordinadores do encontro, o cineasta italiano Simone Saibene, que intervirá tamén para falar do cine de Pasolini. Escoitamos outra das participantes, a xestora e creadora cultural Cristina Consuegra, que confrontará o pensamento pasoliniano coas grandes cuestións do noso presente. 

As Miudiño Sessions, impulsadas pola plataforma A Regueifa 2.0, son unha serie de micronconcertos de grupos e solistas galegos en formato mínimo gravados en localizacións singulares. Noel Feáns, o seu promotor, fálanos destas sesións, feitas de xeito artesnal e sen fins comerciais.

“O máis difícil é compaxinar os diferentes estilos do jazz na programación diaria”. Comeza o XXXIII Festival Internacional de Jazz de Lugo que programa 24 concertos ata o 19 de novembro. Falamos con Alberto Grandío, director do festival.