Ana Abad de Larriva é actriz, creadora escénica e dramaturga. É titulada superior en Arte Dramática, na especialidade de Interpretación Xestual, pola ESAD de Galicia; licenciada en Xornalismo pola USC e doutora en Comunicación pola UVigo e desenvolve a súa investigación no eido da teoría e da práctica teatral. Como dramaturga gañou o Premio Roberto Vidal Bolaño de textos teatrais en 2019 e o I Certame de Microteatro da Memoria en 2021. Actualmente é subdirectora da erregueté | Revista Galega de Teatro.