As mulleres españolas non tiveron recoñecido o dereito ao voto ata o 1 de outubro de 1931, grazas en boa medida á deputada Clara Campoamor.

A editorial Galaxia traduce agora ao galego ‘O meu pecado mortal. O voto feminino e mais eu’,o libro de 1936 no que Campoamor explica a súa loita polo voto feminino e as críticas e ataques que lle supuxo.

Conversamos con Celia Pereira Porto, autora dun estudo introdutorio no que tamén se explica a actitude dos deputados galegos, e coa tradutora María Reimóndez.