Tito Lesende tráenos os primeiros petiscos de O.D.A., a nova canción de Guadi Galego, que se estrea este venres. Completamos o menú musical desta primeira semana de outono cun dueto da propia Guadi Galego con Pamela Rodríguez, artista peruana afincada na Coruña que acaba de publicar o EP ‘Meigas’. E soa tamén un dos temas de ‘Las ventanas de mi alma’, o último disco de Luz Casal, que actúa en Vigo o 6 e 7 de outubro.