O trío folk Caldo acaba de publicar o seu segundo disco, ‘Lugar A Ponte’, en torno á idea do fogar e a intimidade. Seguen inspirándose na música tradicional, pero incorporan letras propias e exploran diferentes texturas sonoras coa produción de Alberto Cernadas e colaboracións de Germán Díaz, Luís Peixoto ou Diego Alonso. O disco presentarase en directo o 9 de xuño en Santiago, dentro do festival ‘O que non se escribe’.