O libro Xesús Mato. 90 anos… e 50 do seu Fuxan os Ventos homenaxea este sacerdote que fixo importantes contribucións á nosa música. Compuxo ‘Fuxan os ventos’, a canción que acabou dando nome a unha das formacións galegas máis importantes, que Mato contribuíu a crear. Creador e director de varios grupos polifónicos, impulsou emisoras de radio en Lalín e Lugo e recuperou a tradición dos reis do Cebreiro durante os anos en que foi crego na montaña luguesa.