O Pazo de Tor, en Monforte, forma parte da Rede Museística da Deputación de Lugo. Nel conflúen nestes días diferentes propostas artísticas: a exposición ‘Proximidade Llunyana’, que recolle historias vitais de mulleres que emigraron de Lugo a Barcelona no século pasado; as residencias artísticas “[De] Semente Terra, [Dá] Terra Semente” e o Sacra Festival, un encontro cultural multidisciplinar que acolle un proxecto de fotografía social coordinado por Vari Caramés, danza e concertos.