O noso colaborador de hoxe, Roberto Pascual, é ademais o director da Mostra Internacional de Teatro de Ribadavia, polo que hoxe nos acompañará para falarmos da trixésimo oitava edición, que comeza este venres. O punto de partida da MIT será a entrega do premio de honra Roberto Vidal Bolaño, que este ano recibirá Eduardo Cunha, ‘Tatán’. Con el comezamos esta media hora de cultura e de teatro.