A salmantina Dea Gómez e o marinense Diego Omil forman o equipo artístico Los Bravú desde hai unha década. Aínda que empezaron traballando no ámbito na banda deseñada, hoxe usan principalmente a pintura figurativa para explorar os temas da contemporaneidade inspirándose nos mitos e a pintura clásica.  Ata o 26 de xuño Los Bravú expoñen na galería Trinta de Santiago a mostra ‘Liminal’.