Neste martes de Entroido aplicámoslle unha mirada antropolóxica a esta festa ritual coa axuda do antropólogo Rafael Quintía. A Sociedade Antropolóxica Galega organiza os días 11 e 12 de marzo a décima edición das súas Xornadas do Entroido en Pontevedra.  Escoitamos dous dos participantes: Mónica Vázquez, da asociación cultural Entroido das bonitas de Sande, no concello ourensán de Cartelle,  e o músico e investigador Guillerme Inácio Costa, autor dun monográfico sobre a danza de Entroido de Nerga.