Gálix organiza as xornadas ‘Poesía cargada de futuro para futuras xeracións’, nas que se reúnen poetas que escriben para nenos e nenas. Escoitamos dous deses poetas, Antonio García Teijeiro, que conseguiu o Premio Nacional de Literatura Infantil e Xuvenil cos versos de Poemar o mar e con Elvira Ribeiro, que en 2020 publicou o poemario ‘Mar de mazá’. É a oitava edición das xornadas ‘Desfacendo a raia’ de Gálix, que culminan o luns 21 de febreiro coas intervencións de Antón Cortizas, Marica Campo, Helena Villar e Pepe Cáccamo. As xornadas desenvólvense no Consello da Cultura Galega e poden seguirse en directo na canle de youtube de Gálix.