Testemuño da Guerra civil é a autobiografía de Isabel Ríos, nada en Curtis en 1907 e unha das fundadoras da primeira célula local do Partido Comunista. Ela e o seu home, o médico Manuel Calvelo, foron condenados a morte polos sublevados en 1936. El foi executado, a ela conmutáronlle a pena pero pasou sete anos na cadea e despois tivo que marchar ao exilio.

Conversamos cun dos seus fillos, Manuel Calvelo Ríos e co xornalista Xosé Antón García Ferreiro, tradutor destas memorias ao galego.