O proxecto ‘Agromantes’ nace dun laboratorio de cine organizado ao abeiro do GAM Compostela, un grupo de axuda mutua de persoas con diagnósticos psiquiátricos. O proceso deu como resultado seis curtametraxes nas que se fala en primeira persoa do sufrimento psíquico, das dificultades da vida cotiá, a relación coa familia ou os efectos do tratamento farmacolóxico.

Falamos de Agromantes antes da súa estrea en Santiago con Cora Peña, a coordinadora do laboratorio, e Patricia Rey.